fbpx
როგორ შევინარჩუნოთ მომხმარებელი კორონავირუსის პანდემიის რეალობაში? #რეკლამისამბავი

როგორ შევინარჩუნოთ მომხმარებელი კორონავირუსის პანდემიის რეალობაში? #რეკლამისამბავი

buy more

როგორ შევინარჩუნოთ მომხმარებელი კორონავირუსის პანდემიის რეალობაში? #რეკლამისამბავი

2560 1440 buymore.ge

  კორონავირუსის პანდემია, რომელსაც დღეს მთელი მსოფლიო გაერთიანებული ძალებით ებრძვის, ყველას საერთო გამოწვევების წინაშე გვაყენებს. ამ გამოწვევებთან გამკლავება და ის, თუ როგორ გამოვალთ საყოველთაო კრიზისიდან, ყველას თანაბრად გვაწუხებს.

კრიზისი ბიზნესსა და ადამიანებს შორის ურთიერთობაზეც აისახა. ბევრმა კომპანიამ ვერ შეძლო ახალ გამოწვევებთან შეჭიდება, რის გამოც დაკარგა მომხმარებელი, ნდობა, რეპუტაცია და ბაზრიდან უბრალოდ გაქრა. მომხმარებლის შენარჩუნებას კი ბიზნესში უდიდესი ყურადღება ეთმობა, რადგან არსებული მომხმარებლისთვის ხელმეორედ მიყიდვა უფრო მარტივია, უფრო იაფი ჯდება და საბოლოო ჯამში, კომპანიის გრძელვადიან სტაბილურობას უზრუნველყოფს. მეორე მხრივ, მომხმარებელსაც ურჩევნია ნაცნობ კომპანიასთან ურთიერთობა, რადგან მასთან აკავშირებს წარსული პოზიტიური გამოცდილება,  მეტად ენდობიან და ნაკლები რესურსის ხარჯვა უწევთ კომპანიის და მისი პროდუქტის შესასწავლად. ამიტომ დღეს პანდემიის პირობებში განსაკუთრებით მნიშვნელოვანია მომხმარებლის შენარჩუნების საკითხი.

კომპანიების კუთხით თუ შევხედავთ, მომხმარებლის შესანარჩუნებლად ციფრული სერვისების მაქსიმალური მობილიზება და ადამიანების დისტანციურად მომსახურება კრიტიკულად მნიშნელოვანი გახდა.  მეტიც, ციფრული სერვისების გამოყენება ერთ-ერთი საუკეთესო გამოსავალი აღმოჩნდა ვირუსის გავრცელების თავიდან ასაცილებლად. ამიტომ დღის წესრიგში დადგა მომსახურების ციფრული არხების დახვეწისა და განვითარების საკითხი.

 

   ქეისი #1

მაგალითად, ისეთმა მსხვილმა ბანკმა, როგორიცაა თიბისი“ პანდემიის პერიოდში საკუთარ მომხმარებელს მისცა შესაძლებლობა საბანკო ტრანზაქციების უმეტესი ნაწილი დისტანციურად ეწარმოებინათ. ქოლ-ცენტრი მუშაობდა 24 საათიან რეჟიმში. შექმნა მოსახლეობის მხარდასაჭერი პროგრამა covid-19-ის მიერ მიყენებული ზიანის შესამცირებლად, შესთავაზა სამ თვიანი საშეღავათო პერიოდი სესხებზე და ა.შ ანალოგიურად, საქართველოს ბანკმა პანდემიის დროს გააუქმა საკომისიო გადასახადი მობაილ ბანკში გადახდებზე, დააწესა საშეღავათო პერიოდი და ა.შ

 

    ქეისი #2

ალბათ ყველად გვახსოვს ალან დევიდ მუნდი, ისლანდიელი მეთევზე, რომელიც მთელ მსოფლიოს ამარაგებდა ლობსტერებით მანამ, სანამ კორონავირუსმა არ დახურა ბაზრები. მიუხედავად ასეთი პრობლემისა, ალანმა და თავისმა მეწყვილემ შეძლეს ახალი გზის პოვნა, რომლითაც დაიბრუნებდნენ მომხმარებლებს. ალან მუნდიმ მომხმარებლის შესანარჩუნებლად გამოიყენა სოციალური ქსელი. FACEBOOK-ზე შექმნა ჯგუფი სახელწოდებით Jersey Alternative Fish Market“ სადაც ყოველდღიურად აწვდის საკუთარ მომხმარებელს ინფორმაციას ლობსტერების შესახებ. უკვე მომხმარებელი ადგილზე მიდის და იქ ყიდულობს თევზს. ასევე ჯგუფში წერს თევზის მომზადების რეცეპტებს და როგორც თავად ამბობს, ეს ძალიან მოსწონს მომხმარებელს. ამ ქცევამ გაზარდა მომხმარებელთა რიცხვი.

„მეთევზეობა დიდი ბიზნესია და მე მხოლოდ მისი მცირე ნაწილი ვიცი. დიდი ხანია რაც ექსპორტზე გამქონდა თევზი საფრანგეთში, იტალიაში, მაგრამ ახლა საზღვრები ჩაკეტილია.  ასეთ კრიზისულ სიტუაციაში შეიქმნა დიდი ერთობა ჩემი ფეისბუქ ჯგუფის მეშვეობით. არ მინდოდა მხოლოდ ჩვეულებრივი „გაყიდვის ჯგუფი“ ყოფილიყო. ჩემი მიზანი იყო პანდემიით გამოწვეული სტრესის შემცირებაც, ამიტომ მომხმარებელს შევთავაზე კრაბების და ლობსტერების მომზადების სხვადასხვა გემრიელი რეცეპტები. ამ ნაბიჯმა გაგვაერთიანა, შევინარჩუნე მომხმარებელი და გაყიდვები საკმაოდ გაიზარდა.“

ქვეყნები ცდილობენ გამოვიდნენ კრიზისული მდგომარეობიდან. პირველი, რაც კრიზისის დროს ყველა კომპანიამ უნდა გააკეთოს, ბაზრის ძირეული შესწავლაა. უნდა გამოიკვლიონ რა მოთხოვნები აქვს და რა სჭირდება დღევანდელ „ციფრულ მომხმარებელს“, რადგან ასეთ დროს მომხმარებელზე ორიენტაცია არის გადამწყვეტი. ასევე სწრაფი ადაპტაციის უნარი და მომხმარებლის საჭიროებებზე ზრუნვა. კომპანიებმა კარგად უნდა გაანალიზონ სამომხმარებლო ტრენდები და შესაბამისად დაგეგმონ სტრატეგიები, ტაქტიკები და პროდუქტის შეთავაზებები.

 

ეთო ბიქოშვილი 

” მიყვარს როცა სხვებისთვის წარმატება მომაქვს”- ნინი ზექალაშვილი #ჩემიამბავი
2560 1440 buymore.ge