fbpx

ნეირო მარკეტინგი 8 მაგალითი ნაწილი II

სტატიის განთავსება

ნეირო მარკეტინგი 8 მაგალითი ნაწილი II

2560 1440 buymore.ge

   გავაგრძელოთ თემა, რომელიც ასე საინტერესოა მარკეტერებისთვის და ზოგადად ყველასთვის, ვისთვისაც მარკეტინგი მაგიური სამყაროა, არადა ის ერთი კარგად დაგეგმილი  სცენარით განხორციელებული ქმედებების ჯგუფია , რომელიც თანდათან საინტერესო სახეს იღებს და კარგა ხანია გაცდა  ყიდვა – გაყიდვის სფეროს და აზროვნების,  შემოქმედებითობის ხასიათი შეიძინა. სტატიის  წინარე ვერსია იხილეთ აქ :

 ნეირო მარკეტინგი 8 მაგალითი ნაწილი I 

ახლა კი გავაგრძელოთ :

#1 ანქორინგის ეფექტი

    ნეირომეცნიერებმა დააფიქსირეს ხარვეზები გონების მუშაობაში და გადაწყვეტილებების მიღების პროცესში. რაც იმაზე მიუთითებს, რომ ხშირად ადამიანი ექცევა სხვისი ზეგავლენის ქვეშ და ხდება რეალობის არასწორი ინტერპრეტაცია და გადაწყვეტილების დაფუძნება ამ არასწორ ინტერპრეტაციებზე. მაგალითად, წახვედით ავტობაზრობაზე  და თუ დაფიქრდებით რამდენი უნდა გადაიხადოთ სასურველ ავტომობილში, თქვენი ფიქრი აუცილებლად განიცდის იმ ფასის ზეგავლენას რასაც გამყიდველი პირველად შემოგთავაზებთ. ეს იმას ნიშნავს, რომ პირველად ინფორმაციას ძალიან დიდი მნიშვნელობა აქვს და ადვილი შესაძლებელია სწორედ ის გახდეს გადაწყვეტილების მიღების მიზეზი.

     #2 ფარული რეაქციების მნიშვნელობა

   ალბათ, ჩვენს ცხოვრებაში ერთხელ მაინც გვქონია მომენტი, როცა რეკლამა ძალიან მოგვწონებია, მაგრამ უარი ვთქვით მის „share“-ზე, გამოხმაურებაზე და ა.შ რატომ?  ნეირომარკეტინგის ტექნიკას შეუძლია ფარული რეაქციების გამოვლენაც.

    #3  ჯილდოს ეფექტი

გაანებივრეთ თქვენი მომხმარებელი სხვადასხვა პრიზებით, შეუქმენით მას სასიამოვნო და დასამახსოვრებელი მოგონებები, რათა უფრო მეტად მიეჯაჭვოს თქვენს პროდუქტს და იმაზე აღარც კი იფიქროს, რომ თქვენზე უკეთესი მსგავსი ტიპის პროდუქტი შესაძლოა სხვა კომპანიასაც ჰქონდეს.

    #4 ვებგვერდი

ფერით დაწყებული ფონტის ზომით დამთავრებული ნეირომარკეტინგი დეტალურად შეისწავლის გვერდის უპირატესობებს. Neurosynth-ის ერთი საინტერესო დასკვნა ის არის, რომ ახალი, ჰორიზონტალური სტილის ვებსაიტი ნაკლებად ეფექტურია  ტრადიციულ ვერტიკალურთან შედარებით . ეს იმიტომ ხდება, რომ ზემოდან ქვემოთ ინფორმაციის წაკითხვა იწვევს თავის ტვინის მეტ ჩართულობას და აიძულებს მომხმარებლებს განაგრძონ გვერდის დათვალიერება.

  #5 გადახდის სხვადასხვა მეთოდი

შესთავაზეთ თქვენს მომხმარებელს გადახდის სხვადასხვა საშუალებები: საკრედიტო ბარათით, cash და ა.შ კვლევებმა ცხადყო, რომ გადახდის საშუალებების მრავალფეროვნება გაყიდვების ზრდაზე პირდაპირ აისახება.

 #6 აუდიო VS ვიზუალი

როცა საქმე ამბის ეფექტურ გადმოცემას ეხება, ადამინთა უმეტესობა ვიდეოს ანიჭებს უპირატესობას, რადგან ფიქრობენ, რომ ვიდეოს უფრო ძლიერი ემოციური გავლენა და ეფექტი აქვს. თუმცა, პოდკასტის ამჟამინდელი ბუმი იმაზე მიუთითებს, რომ ამბის აუდიო გადმოცემაც საკმაოდ ეფექტურია. ლონდონის უნივერისტეტის პროფესორებმა ჩაატრეს კვლევა იმის დასადგენად, მაინც რომელი უფრო ეფექტურია აუდიო VS ვიდეო. აუდიტორიას აჩვენეს ფილმი „კრავების სიჩუმე“ და მოასმენინეს აუდიოწიგნიდან იგივე სცენები. დასკვნამ აჩვენა, რომ დამსწრეთა მხოლოდ 15%-თვის აღმოჩნდა ფილმი საინტერესო და ემოციური, დანარჩენითვის კი აუდიო ვერსია იყო უფრო ემოციური, რადგან მისი მოსმენისას პულსის სიჩქარე უფრო სწრაფი იყო და სხეულის ტემპერატურა და კანის გამტარობა გაიზარდა. ასე რომ, დროა ყურადღება დაუთმოთ პოდკასტებს.

    #7 ფასი

რაიმეს შეფასება 4.99₾-ად 5₾-ის ნაცვლად ცნობილი მარკეტინგული სტრატეგიაა, მაგრამ მუშაობს თუ არა ეს ტაქტიკა? Neurosynth-ის კვლევაში ვკითხულობთ, რომ მომრგვალებული ციფრები მოქმედებს ემოციურ გადაწყვეტილებებზე, ხოლო უფრო რთული ციფრები უკეთესად მუშაობენ. ეს გამოწვეულია იმით, რომ კომპლექსური რიცხვები ტვინს უფრო ძლიერად ამუშავებს და შესაძლოა არწმუნებს მას, რომ კომპლექსური ფასის მქონე პროდუქტების ყიდვა უფრო ლოგიკური გადაწყვეტილებაა.

#8 კომუნიკაცია

ეს ჯადოსნური სტრატეგიაა ბიზნესის ყველა სფეროში.  ეკონტაქტეთ თქვენს მომხმარებელს, ბევრი ესაუბრეთ, ჩართეთ პროცესში, დააინტერესეთ, მოიზიდეთ და აჩვენეთ, რომ ისინი თქვენთვის ყველაზე ღირებული და ფასეული განძია.

 ეთო ბიქოშვილი 

როგორ შევინარჩუნოთ მომხმარებელი კორონავირუსის პანდემიის რეალობაში? #რეკლამისამბავი
2560 1440 buymore.ge